Posted in سيو

سيو 2014 و اكبر الخرافات في مجال السيو


– سيو – 17 خرافة في مجال ال SEO  لعام 2014

================================

كتاب ل HubSpot بيناقش 17 خرافة مش شغالين في ال سيو

هتلاقوا الخرافة مكتوبة بالانجليزي . هتلاقوا الشرح تحتها بالعربي . بيشرح هي ليه خرافة وممكن نعمل ايه

مقدمة – اخر فترة في تحديثات جوجل اغلب الماركتيرز مش عارفين ايه الي شغال وايه الي مش شغال ايه الي بجد وايه الاشتغاله

ايه الي مهم وايه الي مضيع للوقت

الاجزاء الي تحت دي هتبين ايه الحاجات المهمة والي مش مهم

1- I must submit my site to Google

اوعي تسمع كلام حد لما يقولك ضيف موقعك لجوجل علشان تاخد رانك معين او علشان تضيف النتائج بتاعتك

والترجمة الحرفية للكلمة الي استخدموها في الكتاب كلمة ( هراء)

الفكرة ان المواقع الجديده ممكن تضيف اللينك بتاعها في جوجل . بس في العادي جوجل هيعرف للموقع بتاعك من غير ما تضيفه

لانك في الغالب هتبدأ تحطله لينكات في مواقع تانيه

2- SEO is all about ranking

اوعي تكون فاكر ان المهم انك تاخد رانك

ما انت ممكن تبقي واخد رانك كويس . ومش بتجيب زاور .

وممكن تكون بتجيب زوار ومش بتحقق منهم اي فلوس . او مش بتحقق منهم اي حاجة من اهدافك .

كدا كانك بترمي فلوس في الارض بتصرف علي مفيش

3- SEO is something I can hand off to IT.

مش كل شخص شغال في مجال ال IT ليه خبرة في ال SEO وتعتمد علي انه عارف في ال SEO

المبرمجين في العادة مش ملاحقين علي الابديتس الي عندهم 😀 . فتيجي حضرتك تعتمد عليه في انه قرا اخر ابديتس في ال SEO

تروح انت في داهيه

اه ممكن يكون ليهم خبرة في بعض الاجزاء الي هم اولي انهم يعملوها زي ال sitemap وزي تحويل 301

الحاجات دي تخصصهم والمفروض يعرفوها . لكن باقي الحاجات انت الي لازم تخلي بالك منها وتفهمهم هيعملوا ايه

4- More links are better than more content.

السؤال هنا . هل لو عندي بادجت اصرفها علي ال لينك بيلدينج ؟ ولا علي المحتوي ؟

طبعا ان يكون عندك لينكات دا شئ كويس مهم جدا

بس الاهم منه انك يكون عندك محتوي

لو معاك بادجت هتصرفه علي اللينك بيلدنج . يفضل انك تعين واحد يكتب محتوي عندك افضل

* ملحوظة : الشركات لما بتعين حد يشتغل اللينك بيلدينج بيركزوا علي الكوالتي الخاصة باللينكات ومش بيركزوا علي الكوالتي بتاعهم . الي هو المحتوي

عملية اللينك بيلدينج ( بناء الروابط ) حاليا مش بالكيلو . ومش بالعدد .

لو ركزت علي المحتوي بتاعك والكوالتي بتاعه

الناس ممكن تستعين بيه ويجيلك بيه باك لينكس ودا افضل انواع الباك لينك ( الباك لينك الي انت مش بتعمله )

5- Meta descriptions have a huge impact on

search rankings.

كلنا عارفين ان الميتا تاجز عتبر html attributes وكل مهمتها انها توصف المحتوي الخاص بيك

سواء كان للسيرش انجن او لليوزر

ال keywords مهمتها انها توصف المحتوي للسيرش انجن

وال description مهمتها توصف المحتوي لليوزر

جوجل سنة 2009 قالت انها مش هتحط الميتا تاجز في عين الاعتبار لما بتقيم الصفحات في ال SERP ( نتائج البحث )

علي الرغم ان الميتا ديسكبربشن مش مهمة في تصنيف عمليات ال SERP الا انها مهمة علشان اليوزر يعرف نوع المحتوي الي انت بتقدمه

لان الميتا ديسكبربشن زي ما احنا عارفين دا الجزء الي بيظهر في السيرشن انجن تحت نتيجة البحث

والي بيكون عبارة عن سطرين تقريبا بيشرح الصفحة دي بتتكلم عن ايه

* طريقة الميتا دسكبربشن مهمة في انها تخلي اليورز يختار انهو نتتيجة بالظبط من النتائج الي قدامه .

6- Social media and SEO aren’t related at all.

تداخل ال SEO مع ال Social media طلعلنا مسطلح جديد اسمه social search

جوجل بتعمل انتجريشن حاليا ما بين السيرش انجن والسسوشيال ميديا

والتبطبيق بدأ بشكل فعلي علي g+ بقاله فترة كبيرة

في عملية السوشيال سيرش نتائج البحث بتظهرلك علي حسب اهتماماتك الشخصية بالافراد

بمعني انك بتدور علي حاجة علي جوجل الاولولية يظهرلك المحتوي الي كاتبه حد في السيركلز بتاعتك علي جوجل +

7 – On-page SEO is all I need to rank

اوعي تكون فاكر انك لما تحط شوية keywords في الويب سايت بتاعك يبقي انت كدا عملت الي عليك

حتي لو ماشي زي الكتاب ما بيقول .

الموضوع اكبر من انك تعمل on optmiztion الموضوع متعلق ب الكوالتي

في ال on optimztion و ال off

8- Keywords need to be an exact match.

تكرار الكلمات بشكل هستيري وبنفس شكلها الحرفي بدون تغيير فيها .

علشان يكون الهدف من الموضوع دا انك تبقي الاول في الكلمة دي في السيرب . دا موضوع مش موجود

الموضوع دا هيضر موقعك . حاول تستخدم كلمات مهمة لليوزر مش مهمة للسيرش انجن

وضح لليوزر الي انت بتتكلم عنه بطريقة ةكويسه

9- There’s an ideal keyword density for my page.

لا يوجد رقم سحري تكرر بيه الكي وورد علشان تبقي الاول فيها

لكن من المفيد انك تستخدم ال كي وورد في التايتل وفي ال <h1> و في URL

10 – The H1 is the most important on-page element .

في الجزء دا الكتاب بيقول ان ال <H1> ل <H6> مش مهمين مع اني معترض علي الموضوع دا

واعتقد الجزء دا كله في الكتاب غلط .

لانه بيقول ان ال <h1> تاجز تبع ال CSS ودا مش صح

عموما هانا هراسلهم في الجزء دا نشوف يقصدوا ايه  . بس ممكن نكمل باقي الحاجات

11- My homepage needs a lot of content.

اوعي تكون فاكر ان الصفحة الاولي لازم تبقي مليانه كلام .

اه من المهم انها توصف انت بتعمل ايه .

بس الصفحة الرئيسية دي هي الي بتدي الانطباع بتاعك للعميل . تخيل حضرتك لو مليتها كلام علشان محركات البحث ؟

ايه الي هيفيد وقتها ؟ جايلك زيارات . ومش مستفاد منها . دا لو افترضنا ان بالطريقة دي هيجيلك زيارات من السيرش انجنز

12- The more pages I have, the better.

اوعي تكون فاكر برده ان كتر الصفحات الي انت بتنشئها دا شئ ومفيد ليه ؟

أ – مش كل الصفحات الي انت بتعملها بتتارشف

ب-احيانا الصفحات بتتارشف . وبعدين بتتتشال من الارشفة

ج -مش معني ان عندك صفحة نازله في الاندكس . انها جتجبلك زوار . وعملاء

للاسف كل الي بيهتم بعدد الصفحات عنده بيفقد الكوالتي في المحتوي بتاعه

هو اهتمامه بالكوالي ؟ ولا بالعدد ؟

13- For local SEO, I only need to list my company’s

city, state, and/or country on my pages.

اوك دي بقا نص اسطورة نصها حقيقي ونصها هجص 😀

اكيد انت محتاج انك تضيف المدينة والدولة الخ من البيانات دي في موقعك بس لما تكون geo-targeted

business

يعني لو انت مستهدف امريكا ممكن تحط العنوان بتاعك في الموقع

السيرش انجن بيعرف اليوزر جي من انهو دولة بالظبط . والسيرش انجن بيظهرله المحتوي حسب الدولة الي هو محتاجها .

فلازم تربط موقعك بالسوشيال ميديا الي بستخدمها . وتضيف في السوشيال ميديا اكاونتس بتاعتك بيانات دولتك والمكان الي انت فيه

الجزء دا بيتكلم عن انك متحطش المكان في الصفحة بس . لازم تستخدم السوشيال ميديا

14- Microsites and other domains I own that link or

redirect back to my site will help my SEO.

الموضوع هنا عامل زي الانتخابات . ورحت انتخبت واديت صوتك لنفسك مليون مره

هل هيفرق ؟ ولا اي حاجة

المعلومة الجديده ان السيرش انجن بيتتبع بيانات صاحب الدومين حاليا . علشان يعرف الدومينات دي بتاع مين . ولو 2 دومين لنفس الشخص ماحسبش منهم باك لينك كويس

طبعا فيه حد ذكي هيقول اغير معلومات الدومين 😀

طبعا الكتاب بيقولك انك كدا بدأت تفكر زي الجماعة الوحشين الي اسمهم Spammer

15 – Google will never know if I have bad sites

linking to me .

اكيد هيعرفوا 😀

الكتاب بيقول ان جوجل هتعرف زي ما سانتاكلوز بيعرف  وزي ما جنية الاسنان ( معرفهاش ) ما بتعرف

عموما انا مقتنع ان جوجل هتعرف نوع المحتوي

بس للاسف الكاتبة الخاصة بالجزء دا مش موضحه ازاي

الكتابة

Jaymie Scotto Cutaia

CEO & Founder,

Jaymie Scotto & Associates

@jscotto

16- SEO is not a usability issue .

مفهوم ال SEO اتحول علي فترة كبيرة من انك ازاي تظهر موقعك في محركات البحث

لانك تعمل engagement ما بين اليوزر والمحتوي بتاعك

مهم : قبل ما تعمل اوبتنيز للسيرش انجن . لازم تعمل اوبتميز لليوزر بتاعك :]

دا يحصل ازاي ؟ دا يحصل بانك تعمل ابديت للمحتوي بتاعك زي ما اليوزر ما هو عاوز .

لازم برده تتاكد من ان موقعك سهل وسريع . ومش رخم . ومش مليان بوب اب

لازم تبقي عارف ان كلمة SEO بقت حاليا اختصار ل جملة

Search experience optimization

17 – SEO and inbound marketing don’t mix .

مرسي ستايل 😀

بالعكس ال SEO والانباوند ماركتينج وجهان لعملة واحده .

الانباوند ماركتينج فلسفة في حد ذاتها .

الاساس القائم عليه فكرة الانباوند ماركتنيج هو  Attract, Convert, Close, and Delight

طبعا انت لو من اوائل النتائج في السيرش انجن انت حققت ال 4 الي حد ما

Posted in كتب

كتاب عن gamification


درافت قراءة كتيب عن gamification اسمه
An Introduction to the Use of Game Dynamics
to Influence Behavior

مقدمة في استخدام اسلوب الالعاب للتاثير علي سلوك المستخدمين

1- مقدمة عامة عن gamification
وتنطق جيميفكيشن .

الفكرة انك تحول المواقع والبرنامج والخدمات الي بتقدمها لفكرة لعبة . علشان المستخدم يفضل علي طول يستخدمها
ومن الاخر كدا بتحاول تعلي ال engagement عن طريق انك تخلي المستخدم يحب يستخدم السيرفس بتاعتك . وبتحاول تبني بينك وبين المستخدمين
بتوعك نوع من انواع ال loyalty

فيه نوعين من الجيمز 1- ديناميكية 2- ميكانيكية ودا الي بحاول اعرفه من الكتاب . ومش فاهمة قوي يعني بس بحاول

هم الاتنين شبه بعض وممكن تستخدم حاجات من هنا وحاجات من هنا . وتحط الحلو من هنا علي الحلو من هنا وتعلم شغل فنادق .

المهم اننا بنعمل موضوع الجيمفكيشن دا علشان حاجتين
Participation and Engagement

بالنسبة ل Game mechanics دي بيبقي جواها
=====================================
• Points نقط بتكسبها
• Levels مستويات بتعديها
• Challenges حاجات غتته علشان البشمهندس ميحسش بملل
• Virtual goods and spaces . دي بقا حاجات ممكن يشتريها جوه اللعبة بالنقط الي كسبها . حاجة كدا تضحك عليه بيها . وتلبسه العمه . بتبيعله هوا يعني
• Leaderboards . حاجة كدا زي قائمة الاوائل بتاع الفصل . قائمة فيها افضل ناس في اللعبة . وعلشانها بيلعب علشان يتصدر فيها .
• Gifts and charity . لو انت عامل لعبة . تعال مثلا في عيد ميلاد اليوزر وابعتله هديه . يستخدمها جوه اللعبة .

اما بقا بالنسبة ل Game dynamics دي بتكون
===================================

• Reward مكافئات وجوايز
• Status رتبه وترتيب ( ذهبي – فضي – برونزي )
• Achievement مدي انجازه في اللعبة والمستويات
• Self-expression
• Competition الي هي المنافسة ما بينه وبين اصحابه او ما بينه وبين العالم
• Altruism ودي الي هي الغيرة . انك تظهرله الناس الي حوليه وصلوا لفين في الترتيب ومدي انجازهم للعبة علشان تبدا يتفاعل مع اللعبة او البرنامج ويكمل فيه

2- الجميفيكيشن في كل مكان امثلة مشهورة علي استخدام الجمفيكيشن
تنوية : البشر بيصرفوا 60 ( مليار ) دولار سنويا علي الالعاب
اول مثال عندنا لاستخدام الجمفيكيشن
أ- Frequent Flyer Programs
=================
120 مليون شخص حول العالم بيلموا نقط وبيزيدوا في المستويات وبيكسبوا جوائز في Frequent Flyer Programs
عملائهم بيكسبوا نقط في كل ميل بيسافروه معاهم . وبيزيدوا في المستويات ( برونزي – فضي – ذهبي ) يعني انت عميل ذهبي ولا فضي ولا اسمك ايه .
ولو العميل كمل منافسة الي هي ممكن تكون مثلا ( لو سافرت 3 سفريات ال 90 يوم الي جيين مع شركتنا . ليك هدية خصم 2500 ميل من السفر بتاعك )

ب – Starbucks and Foursquare
=============
اكبر سلسلة كافيهات بتقدم نظام نقط . ونظام ( فلوس تخيلي )
ستاربكس . بيستخدم فورسكوير في الموضوع دا وبيخلي الناس تعلم تشكن ان في الفروع
وطبعا اللعبة هنا في انه بيطلب مثلا منك تعمل تشكن في 5 فروع مختلفة لستاربكس
وكل ما تعمل تشكن تكسب نقط
من المهم هنا اننا نعرف ان النقط دي ملهاش قيمة مادية حتي ال ال ( فلوس التخلية ) ملهاش اي تلاتين لزمة في حياتنا
بس برده الناس بتعمل تشك ان
تفتكر ليه بقا الناس بتعمل تشك ان ؟

ج- Nike+ and the iPod
===========
سنة 2008 قررت شركة نايكي انها تسخدم اسلوب الجميفكيشن
كل الي عملته انها استخدمت برنامج بينزل علي الايبود وبيستخدم السينسورز في انه يقرا المسافات الي الشخص بيجريها
ويبدا يجمعوا الداتا . والناس تتنافس بينهم وبين بعضهم

3- THE BUSINESS VALUE OF GAMIFICATION
القيمة المضافة للمشاريع من استخدام الجمفيكيشن .
======================
من اكتر المشاكل الموجوده في البيزنس . انك تخلي فيه engagement
ولو قدرت تعمل الموضوع دا . الدنيا هتلعب معاك ومحدش هيقدر يكلمك بعد كدا
استخدام اسلوب الجمفكيشن بيقدر يخليك تعمل الموضوع دا

— الاحصائيات اهم العوامل لنجاح الانجيجمنت
=======
لو عندك شخصين بيلعبوا بعض . وكل واحد فيهم بيكسب التاني . لمدة اسبوع . ايه الي هيحصل ؟
ولا اي حاجة . هيزهقوا ومش هيلعبوا تاني
لكن لما تبدأ تظهر لكل شخص منهم
1- عدد مرات فوزه علي الخصم
2- الفلوس الي معاه
3- ترتيبه
4- النقط الي معاه
شوية اسئلة علي الاحصائيات دي ممكن تظبطلك الدنيا
زي مثلا . تقدر تطلع الاول علي المجموعة بتاعتك لفترة قد ايه تقريبا ؟
طيب علي مدينتك ؟ علي دولتك ؟ لفترة قد ايه ؟
ممكن في لعبتك او في مشروعك تحجز او 5 ليهم جوائز زي كاس مثلا . او ميداليه

4- مين الي لازم تعمله مشاركة وتعمل معاه engage
=============

زي ما قلنا الجمفكيشن مهمتها التاثير علي سلوك الناس .
الناس دول بقا ممكن يكونوا
1- عملاء .
2- موظفين .
3-طلبه
4- معجبين
5- المرضي
6- اي حد تاني
لو بتدأت تستخدم اسلوب الجميفكيشن . انت مش محتاج انك توصل لجمهور الناس الي بتحب تلعب
في العادي الناس كلها هتتعود علي الاسلوب دا وهيحبوه وهيحصل ما بينك وما بينهم انجيجمنت

الكتاب بيشرح شوية كيس ستاديز ممكن تستعدين بيهم وتذاكرهم
لتحميل الكتاب
http://goo.gl/UrIZZj

الشكر موصول ل Mohamed NeamatAlla لانه فتح المجال النهارده ان حد يكتب في الموضوع دا . وخلي الواحد يرجع يذاكره من تاني
‫#‏الطريق_الي_ايلات‬

Posted in كتب

كتاب . طريقة كتابة Business Plan الخاصة باحلامك


دا درافت لكتيب اسمه .
How to Write the Business Plan of Your dreams

كلام اغلبها عارفينه بس محتاجين نفتكره كويس
===================

1- المؤلف مهندس . مكنش عنده اي خلفية عن البيزنس بلانينج
وقرر انه يعمل شركة . كل اسبوع كان بيروح المكتبة يقرا عن الموضوع . هو كان ابيض في موضوع البيزنس دا

2- الكتاب مش بيبص للبيزنس بلان بصورة عميقة هو موجه للناس الي محتاجه تعرف وتحاول تنجز . ومش بيشرح كل جزء في بلان بشكل مفصل

3- لو عاوز تستزيد في مواضيع البيزنس . موقع MoreBusiness.com بيتم تحديثة بشكل اسبوعي وفيه مقالات مهمة جدا

4- الخطط طويلة الاجل وقصيرة الاجل (الاهداف ) :
عاوز تبقي ايه ( كمنظمة او كشركة ) في خلال 20 سنة ؟ 10 سنين ؟ 5 سنين ؟ سنة واحده ؟ 6 شهور ؟

5- لو انا سالتك دلوقتي عامل خطة مستقبلية لنفسك ياترا هتكون الاجابة ايه ؟
دايما بنسمع مقوله . اذا لم تعرف اين تذهب فكل الطرق تفي بالغرض .
فلو انت مش عامل لنفسك اهداف محددة خلال اوقات محددة .
فليه عاوز تعمل شركة ؟ بلاش احسن .
لو مفيش خطة …. عمل شركة زي عدمه . مفيش اصلا اهداف انت حاططها علشان تقدر تقيس هل انت نجحت ولا فشلت

6- الاهدف :
1- الاهداف علي مدي الحياة . قم بكتابة 100 حاجة انت عاوز تعملها . ولو كبرت في السن تقدر تقول انت نجحت في حياتك ولا لاء .

2-الاهدف علي المدي الطويل . اكتب شايف نفسك ايه بعد 20 سنة . يا ترا : ؟
أ – هتكون قاعد في مكان كويس وجنبك المدام .و بتشرب مشروب غالي ( تقريبا الي مكتوب في الكتاب دا نوع خمره ) ؟ ولا
ب – ياترا هتكون او هتكوني مجرد شخص بيربي عياله وعيال عياله ؟
ج – ياترا هتكون/ي شغاله في شركة في مجال مختلف عن مجالك الحالي ؟
شايف الاسئلة دي . دي خاصة بحياتك . حاول بقي تسال اسئلة زيها خاصة بالشركة بتاعتك

7- حكاوي الاسانسير .
ولمواخذه لو قابلت حد وانت ماشي من باب العماره لغاية الاسانسير واول مره تتقابله ياترا هتقوله انت بتعمل ايه ؟
ياترا هتبدأ تفكر اصلا انت بتعمل ايه ؟ ولا هتكون مجهز كلام في العادي من قبل كدا ؟
شبكه علاقاتك بتتبني بالكلام الي هتقوله لما تيجي تعرف نفسك لحد . فهل ياترا انت مجهز كلام عن نفسك . ولا كل ما تقابل حد بتجوّد ؟
ولو انت مش عارف تقول انت بتعمل ايه بشكل واضح . ياترا الناس هتعرف ؟

اختصر وانجز : في البيزنس ما تبقاش عيل رخم وانت بتتكلم عن نفسك . قول المفيد ومتكترش
ولما حد يسألك اكتر عن الي بتعمله . ابقي احكيليه اكتر

وخليك مجهز كل حكاوي الاسانسير . الاختصار . والكلام الكتير .

واستشهد بابراهيم لنكولن لما كان بيقعد اسبوعين يجهز في خطاب هيقوله في نص ساعة .

الكتاب بيديك امثلة علي ازاي تعمل حكاوي الاسانير دا .

8- حدد مين هم العملاء بتوعك .
مش كل الناس عملائك .
9- مين هم منافسينك .
مين الي ناوي ياكل اكلك

10 – الشكل الهيكلي للخطة .
– شكل البيزنس بلان .
1 – Executive Summary . دي هتحطها اخر حاجة . ملخص من صفحتين عن الي بتعمله في البيزنس بتاعك
2- Company Profile . مش محتاجه شرح . دي اجابتها من الاسئلة الي انت سالتها لنفسك من شوية .
3 -Goals . ودي هتجيبها برده من اجابات الاهداف طويلة الاجل وقصيرة الاجل واهداف السنين .
4- Market Definition . استخدم الجزء بتاع مين هم عملائك .
5- Competitive Analysis . استخدم الجزء بتاع مين هم منافسينك الي ناويين ياكلوك
6- Marketing Strategy . الجزء دا بقا هيتعمل بانك تكتب هتجيب عملاء ازاي ؟ وهتوصلهم ازاي ؟
7-Management Qualifications . ودا حاجة بسيطة مش كبيرة . بتكتب المديرين الي المفروض يكونوا في المشروع ايه مؤهلاتهم . ومين هم .
8- Financial Information . وهنا هتحط احصائيات وشوية شيتات عن المشروع هيجيب كام فلوس . وهتدفع كام علشان تجيب كام .
9-Appendices . هنا هتحط الحاجات الي انت محتاج تحطها ومش لاقيلها مكان . زي مثلا خصائص المنتجات بتاعتك .

فيه كمية كبيرة من البيزنس بلان موجوده علي موقع http://www.morebusiness.com
ممكن تشوفها وتتعلم منها

لتحميل الكتيب .

http://goo.gl/21vmV2

‫#‏الطريق_الي_ايلات‬
‫#‏ريادة_الاعمال‬
‫#‏خطط_الاعمال‬

Posted in سوشيال ميديا

انواع المحتوي الغير هادف المنشور علي السوشيال ميديا عربيا


الدليل البراق علي اتجاه ال #سوشيال_ميديا لسوريا والعراق
======================
انا مش تخصصي سوشيال ميديا بس دا تقريبا نوع المحتوي المقدم الفترة الي فاتت علي الصفحات الي بتحاول تعمل محتوي ينتشر بسرعة

فصفحات الهري الي انتشرت جدا في الفترة الاخيرة
والي مش بتقدم اي قيمة حقيقة . ولو سألت صاحبها عاملها ليه وايه القيمة المضافة للناس مش هيعرف يجاوبك
بتعتمد علي اكتر من اسلوب .

1- صفحات منهم  بتعتمد علي اسلوب ثبت العبيط . او العبيط دايما علي حق
بمعني
===========
تدخل علي صفحة منهم تلاقيها بتتكلم عن ان الدراسات اثبتت ان الشخص العبقري فقط هو الشخص الي مكتبه ودولابه  دايما ملخبط ومش مرتب .
وتلاقي الزباين عجبها الكلام وعامله شير اثبات ان العبقرية هتبظ من عنيهم

2- صفحات معتمدة علي مبدأ سواقين الميكروباص اسلوب حياة
==========

ودي صفحات بتعتمد علي ان اغلبنا عنده عقد نفسيه وشايف انه دايما مظلوم
فبدل ما يشغل مصطفي كامل ويتقال عليه زي سواق ميكروباص بدأ يستمتع بكلمات مصطفي كامل والحانه في شكل مقروء علي السوشيال ميديا بيشرح ازاي الدنيا صعبة وازاي صحابنا خنونا وازاي لازم ندوس علي قلبنا مع ان الموضوع صعب علينا

3- صفحات معتمدة علي مبدأ كلنا حمدي الوزير
========

ودي من غير كلام كتير . بتعتمد علي نشر المحتوي الجنسي وشبه الجنسي مش لهدف جنسي طبعا
الا يحقق التارجت بتاعه من الزوار علي موقعه .

4- صفحات بتعتمد علي مبدأ رايا وسكينه
ودي الي الصفحات بتفبرك محتوي كانه اتبعتلهم علي الرسائل ونوع المحتوي دا بيدور حول ان خطيبها جابها 4 كيلو دهب وياقوت ومرجان
وهي بتحبه . وابوها موافق
بس هي مش موافقه -معرفش ازاي-
وطبعا تيجي رايا وسكينه تبدأ تشير الكلام دا وتمنشن صاحباتها علشان يشوفوا حظهم الاخبر ولو شافوا البنت دي ممكن يدبحوها