Posted in عام

هل جوجل بيعرف يقيم محتوي الموقع ؟


هل #جوجل بيعرف يقيم محتوي الموقع ؟

البوست دا هيكون في #SEO وفهم طبيعة اظهار نتائج البحث في جوجل حسب ما يقدمه المحتوي من قيمة للمستخدم .
البوست ممكن نقول عليه عبارة عن خواطر في SEO . وهناقش هل جوجل فعلا بتعرف تقيم المحتوي ؟ ولا لاء ؟

نسأل شويه اسئلة ونجاوب عليهم

هل جوجل بيهتم بالمحتوي ؟ في اظهار نتائج البحث ؟
=================================
للاجابة علي السؤال دا . لازم نبسط الموضوع اكتر من كدا . خلينا نحلل الموضوع لاسئلة منطقية واجابات واقعية

جوجل عاوز يعمل ايه ؟
==================
في جوجل بيقولوا انهم عاوزين يقدموا للمستخدم كل الي هو عاوزه .
بمعني انهم بيحاولوا يخلوا البحث ذكي لدرجة انك لو سالت سؤال . جوجل يجاوبك
فيه حاجات بدأوا فيها من فترة زي مثلا
1- العمليات الحسابية . .. انت لو كتبت اي عملية حسابية في بحث جوجل . هو هيعملها . وهيطلعلك الناتج
2- الترجمة . لو كتبت translate الكلمة to اللغة هيطلعلك النتيجة .
3- في جوجل بيحاولوا يوصلوا لانك لو سالت اي سؤال تلاقي الاجابة علي طول .. ودا هيريح المستخدم كتير . ولو الموضوع صعب عليهم حاليا
فهم بيحاولوا يخلوا نتائج البحث تقدم قيمة للمستخدم .
فبيحاولوا يبعدوا النتائج الي ملهاش لزمة في اخر ال SERP . ( نتائج البحث ) . وعلشان كدا كل شويه بيعمل تحديث ومواقع تطلع ومواقع تنزل في نتائج البحث .

* السؤال الوجودي . جوجل بيطلع نتائج البحث علي اي اساس ؟
=================================
لو انت عندك موقع وعاوزه يظهر في جوجل فانت هتعمل حاجة اسمها optimize . يعني هتحاول تخلي موقعك متوافق مع جوجل او ال BOT بتاعه وشرحنا قبل كدا البوت دا بيتعمل ازاي ومعناه ايه
فيه شوية factors ممكن تدور عليهم براحتك لاننا مش الهدف اننا نتكلم فيهم النهارده . الي يهمنا من الكلام دا كله ان جوجل ( بيحاول ) يظهر النتائج علي
اساس ال value الي بتقدمها الصفحة .

السؤال المهم . جوجل بيقيس ال value او ال quality دي علي اي اساس ؟
=========================================
سؤال حلو . بصراحة . بما اننا عارفين ان جوجل عبارة عن machine غبية . بيحاولوا المبرمجين . يخلوها ذكية .
جوجل ميعرفش الكلام الي انت بتكتبه . ولا بيفمه ولا بيفهم المكتوب في الموقع . فعلشان كدا عملوا في البداية اظهار النتائج علي ال backlinks عدد الروابط الي بتشير لموقعك في مواقع تانيه
ولما الجماعة بتوع ال black hat seo حطوا علي جوجل . وبقوا يظهروا في نتائج البحث غصب عن جوجل . حتي لو مفيش محتوي
المبرمجين بتوع جوجل فكروا في فكرة تانيه .

ليه جوجل ميعملش التقييم علي المحتوي
=====================
سؤال صعب . ازاي جوجل اصلا هيظهر النتائج علي اساس المحتوي وهو ميعرفش يفهم النتائج
علشان كدا قالوا يشغلوا دماغهم ويعملوا حاجة اسمها ال bounce rate

يعني ايه bounce rate
=======================
سؤال لطيف :] . يعني البشمهندس الي دخل موقعك . هرب منه بسرعة ؟. ولا قعد يتصفحه شويه ؟
يعني لو البشمهندس هرب من الموقع . يبقي الموقع بتاعك مش بيقدم value ومش دا الي هو بيدور عليه .
ولو قعد فيه فترة كويسه . يبقي الموقع دا كويس . وابن ناس كويسين . وجوجل يبقي حبيبه

السؤال الغير متوقع وبالتفصيل  : ازاي جوجل بيحسب ال bounce rate حتي لو مكنتش مركب analytics code ؟
لان من المعروف ان جوجل ملوش اي access علي موقعك . وميعرفش يجيب اي احصائيات عن موقعك . انت مش مديهالوا
وانت مش مركب كود الاحصائيات . فجوجل بيعرف البشمهندس قعد عندك في الموقع فترة قد ايه . ازاي ؟؟؟؟
======================================================
ببساطه شديده . ومعادلة لسه عاملها حالا . بتقول
الفرق ما بين وقت دخول اليوزر للنتيجة الاولي من نتائج البحث . والنتيجة التانيه
يعني هو دخل علي النتيجة الاولي الساعه 3:03
ودخل علي النتيجة التانيه الساعه 3:04 يبقي كدا الصفحة دي ممكن نقول عليها مش الي هي قوي

لكن لو دخل النتيجة الاولي الساعه 3.03 لف في لاموقع 13 دقيقة وقفله
وفتح النتيجة التانيه الساعه 3.15 . هو عرف من هنا ان المستخدم دا قعد قد ايه في الموقع . ومن هنا يعرف يقيم .

ومن هنا نقدر نقول ان جوجل مش بيقدر يحدد اذا كان الموقع دا كويس ولا لاء . لان الموضوع ليه مشاكل كتير
زي مثلا
1- الي دخل الموقع والكهرباء قطعت . كدا هو قعد في الموقع كتير جدا
2- الي دخل الموقع ونسي الموقع مفتوح . وراح يعمل شاي . كدا هو قعد في الموقع كتير جدا
3- فكر انت في شويه حاجات تاني
وعلشان كدا بنقول ان جوجل مش بيعرف يقيم الصفحات بشكل كويس
وعلشان كدا جوجل عملت اكتر من factor لل SEO
وعلشان كدا جوجل بتطلع اشاعات علي لسان ناس شغاله في مجال ال SEO بتخلي الناس تتبعها . زي مثلا اشتغل WHite hat علشان كدا كدا بنعرف نقيم المحتوي

كلامي هنا مش توجيه للناس انها تشتغل black hat او White hat
كل الي اقصده من كلامي اننا نفهم ايه الي بيحصل في الخلفية . من الناحية البرمجية بطريقه سهله . علشان نبقي فاهمين واحنا شغالين SEO احنا بنعمل ايه

#تشريح_محركات_البحث
#الطريق_الي_ايلات
#السبوبة

الكاتب:

مبرمج ومطور ويب مصري الجنسية - من مواليد محافظة المنيا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s