Posted in عام

التكنولوجيا الجديده المستخدم في الشبكات الاجتماعية


ازاي تعمل social network .
كانت النية في البسوت دا اني انزل طريقة عمل السوشيال نت وورك . وبعد ما كتبتها .
قلت الي هيقرا البوست دا كيد مبرمج . فاكيد هيعرف يعمل سوشيال نتوورك بسيطه . حتي لو بشكل منتدي .
ولاني مش هدفي اني اشرح برمجة . فانت ممكن تتعلم برمجة من اي مكان . وترجع للبوست دا يفتحلك حاجات جديده
وانت لو عرفت تبرمج اي حاجة بسيطه . هتعرف تعمل سوشيال نتوورك بسيطه جدا . المشكلة بقا في التكنولوجي الجديده
فقررت ان البوست دا يكون عبارة عن بعض التكنولوجي المستخدمه جديد .

الموضوع مقسم لجزئين
الجزء الاول لغات البرمجة وقواعد الباينات :]
الجزء الثاني . التكنولوجيا الجديده المسستخدمه في الشبكات الاجتماعية :]
الجزء الاول
لغات البرمجة انت ممكن تشتغل ب php او asp او jsp زي ما تحب
ومن البداية اهو
html
css
javascript
php – asp – jsp
mysql – sqlserver – access- oracle – nosql
لو انت باي لغة برمجة منهم . واي نوع داتا بيز هيكون الدنيا تمام بالنسبالك
انتهي الجزء الاول
ندخل علي الجزء الثاني . ودا المهم بالنسبالي في البوست دا

السؤال المنطقي بيقول : ايه نوع قاعدة البيانات الي يستحمل داتا زي كدا لو فكرت اني اعمل سوشيال نت وورك .
الاجابة بتقول اوعي تشغل دماغك بالموضوع دا حاليا . لما ربنا يكرمك وتبقي تكبر السوشيال نت وورك بتاعتك
ابقي اعمل ري بيلد للمشروع كله .
بس تكون ضمنت انها اشتغلت تمام . ووقتها هيكون جالك فاند تقدر ربنا يكرمك تجيب تيم كبير معاك

السؤال المنطقي بيقول : طيب انا دماغي متركبه شمال وعاوز اعرف ايه الي ممكن اعمله للداتا بيز من البداية .
وبرده مش هرتاح غير لما اعمل الشغل علي اكمل وجه من البداية
هقولك تدور علي التالي :
فيه حاجة اسها NOSQL ودي مش عكس ال SQL
دي معناها NOT Just SQL يعني SQL وحاجات تاني
ودي بتعتمد علي ان قاعدة البيانات مش relashion database والبيانات بتتحفظ يا في شكل XML يا في شكل
JSON وفي اشكال تانيه
يمكن تكون سمعت قبل كدا علي XML بس لازم تدور علي ال JSON لانك هتستخدمها بعد كدا كتير
ومبدئيا هي معناها JavaScript Object Notation يعني لازم تكون فاهم Javascript
المهم بدون الدخول في تفاصيل الجيسون دي حاجة بنت ناس . ولازم تذاكرها

نرجع لل NOSQL وناخد امثلة عليها
1- MongoDB  ودي بتعتمد علي JSON وانواع تاني
2- Hypertable ودي بتستخدم في ال BIG data وال BIG tables
3- النوع دا بيستخدمه facebook و twitter وشبكات اجتماعية كتير اسمه كاسندرا Cassandra
4- BIgTable ودا بتسخدمه جوجل وحاجات تانيه
5- SimpleDB ودي بستخدمها امازون في ال Service بتاعتها

نسيبنا بقا من ال NOSQL وندخل علي تكنولوجي تاني بتستخدمها السوشيال نت ووركس
وهي Push Data

عمرك سالت نفسك سؤال . ازاي الفيسبوك بيجبلك ال notification لوحده ديلفري لغاية عندك ازاي ؟
انت مش بتعمل ريفرش للصفحة . ولوحده بتلاقيه قالك ان حمادة عمل كمنت  عندك :] .
ولو انت ديفيلوبر بقالك فترة واشتغلت javascript مع xml
وقلت هعملها ب ajax وكل مثلا ثانيه او اتنين هعمل request علي السيرفر لو فيه نتفكيشن اجيبها لليوزر ولو مفيش خلاص
هيبقي دا حل مش منطقي . ليه ؟
علشان انت لو عندك 1 مليون يوزر . وكل ثانيه او بيعملوا ريكويست عندك . السيرفرات بتاعتك هتضيع
فليه تعمل request كل شويه لما ممكن متعملش request خالص وتسيب الريكوستات كلها علشان مسر😀
بجد هي دي الفكرة . ليه تعمل request لما انت ممكن توصل الدااتا لليوزر ديلفري ؟
دي تقنية جديده اسمها ال push data ودي مهمتها انها تفتح اتصال ما بين السيرفر واليوزر . لما يحصل نتفكيشن علي السيرفر
مخليش اليوزر يطلبه . انا ارميه لليوزر . وكدا ابقي خففت الضغط عندي
طيب ايه فايدة ال push data
1- ممكن نستخدمها في ال real time chat
2-  real time notification
3- اي حاجة ليها تعامل مع الوقت الحقيقي ومش محتاج تعملها ريسكوت محتاج تعملها بوش . هيكون عن طريق التكنولوجي دي
طيب . فيه امثلة عليها .؟ اه فيه طبعا الفيسبوك وتويتر والخ الخ الخ
طيب فيه تطبيقات فري ممكن تشتغل عليها ؟
اه فيه ممكن تدور علي APE  ودا سيرفر للريل تايم ودا اختصار ل Ajax Push Engine
بيستخدم ال ajax

طيب ايه كمان ممكن استخدمه في ال push data فيه حاجة اسمها Node JS
ودي ببساطه لو انت متابع ال javascript هتعرف انها client code
اازي بقا تشغل الجافا سكربت علي السيرفر ؟ هيكون ب Node js
ولو عاوز تعمل real time apps هيكون عن طريق حاجة اسمها socket io 
لو شايف ان فيه معلومة غلط ياريت تكتب تصحيها وعدلها
لو شايف ان فيه حاجة عاوز تزودها اكتبها وهعدل البوست
اعمل الصح و #شير_في_الخير
#اعمل_الصح
#تشريح_السوشيال_ميديا
#تشريحات_برمجية

الكاتب:

مبرمج ومطور ويب مصري الجنسية - من مواليد محافظة المنيا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s