Posted in عام

ازاي تعمل محرك بحث الجزء الثاني . استخدام انظمة الذكاء الصناعي


ازاي تعمل محرك بحث Search_Engine الجزء_الثاني البوست دا هيتكلم عن انظمة الذكاء الصناعي وفروعها وازاي محركات البحث بتستخدمها

#الجزء_الاول عبارة عن تشريح لمحرك بحث جوجل بشكل بسيط لمشاهدة البوست (http://goo.gl/ewLDO0)
#الجزء_الثاني انظمة الذكاء الصناعي المستخدمة في محركات البحث

تنوية : البوست دا مش هدفه ان حضرتك تروح تعمل محرك بحث وتقول انه افضل من جوجل هدفه الاول والاخير اننا نفهم محركات البحث بتتعمل ازاي . يبقي عندك فكرة عن الحاجات المجهولة والمبهمة . يمكن يفتحلك فكرة جديده تقدر تعمل بيها حاجة

في الجزء الاول شرحنا ازاي نعمل محرك بحث بشكل عادي وبسيط. الجزء دا هنتعرف ايه الي بيحصل بشكل غريب وغير عادي برمجيا

تصحيح الاخطاء اللغوية :

بفرض انك كتبت في جوجل كلمة بشكل غلط ولنفترض انك كتبت محركيت البحث . بدل محركات البحث هتلاقي جوجل بيقولك
هل تقصد محركات البحث ؟ وانت فعلا تقصد محركات البحث . هو عرف الكلمة الصح دي منين ؟ دا تابع لحاجة في artificial intelligence
اسمها NLP وانت لو دورت علي NLP في جوجل هتلاقي معناها برمجة لغوية عصبية . الترجمة دي ملناش دعوة بيها دا بسبب ان مفيش محتوي عربي بيتكلم عن ال NLp
هي اختصار ل natural language processing يعني معالجة اللغات الطبيعية
ولغات طبيعية يقصد بيها لغات الانسان الطبيعية مش لغة الكمبيوتر .
ودي جواها اكتر من مجال متشعب منها . زي الاعراب . والمعاني . والجميل ان فرع ميكروسفت في مصر عندهم قسم خاص بال NLP ودي حاجة تحسب ليهم

تعليم الآله :
ودا برده تبع الذكاء الصناعي . ما يسمي ب machine learning
دايما الانسان بيحاول يوصل لانه يحاكي نفسه علي الكمبيوتر . بحيث بعد كدا هو مش عاوز يدي الكمبيوتر اي اوامر . والكمبيوتر يفهمه لوحده
ودا الي حاولوا يقدموه في اكتر من فيلم . وللاسف الافلام دي بدأت تتحقق . وشكلنا هنروح في داهيه
المهم في موضوع ال machine learning دا هو بيخلي الكمبيوتر يتعلم وبعد كدا ياخد قرارات علي الي اتعلمه دا
كانه عيل صغير . وبدأ يكبر في السن . وكل ما بيكبر كل ما علمه بيزيد كل ما قراراته ما بتتغير
موضوع الماشين ليرنينج دا بيستخدم في حاجات كتير جدا . دور انت براحتك عليها
ابسط مثال لعملية ال ماشين لينينج في جوجل موضوع الترجمة .
هم مش بيدخلوا باديهم الكلمات وترجمتها . هم ببساطه بيدوا الكمبيوترات الي عندهم
مثلا عدد 1000 فيلم . وملفات الترجمة بتاعتهم في كل اللغات . والكمبيوتر اوتوماتيك يبدأ يتعلم الترجمة دي لوحده

ممكن تتعلم برده حاجة اسمها neural network او الشبكات العصبية . ودي عبارة عن محاكاة لطبيعة عمل الشبكات العصبية الطبيعية في الانسان
لو عاوز تتعلم اكتر عن ال شبكات العصبية معلومات في اخر البوست

3- بحث الصور
بحث الصور في العادي . البحث بدون نظم ذكاء صناعي ان ال BOT بيدخل علي الصفحة يعمل جراب لكل المحتوي . زي ما شرحنا في البوست السابق
ويدور علي تاج الصور . ويبدأ يحدد ان الصورة دي بتدل علي ايه عن طريق alt وكدا الكمبيوتر مش بيكون عارف الصورة دي بتدل علي ايه .
لكن في نظم الذكاء الصناعي المستخدمه بيستخدم حاجة اسمها image processing ودا بيحاول يخلي الكمبيوتر ذكي في انه يفهم الصورة دي بتتكلم عن ايه
لدرجة انه بيعرف يطلع منها الكلام والحروف مع انها صورة

4- البحث الصوتي :
ودا في حد ذاته من افضل المزيا الي قدمتها انظمة الذكاء الصناعي .
احنا دايما عارفين ان الكمبيوتر (غبي ) ومش بيفهم الي بنكتبه . لكن حاليا هم برده بيحاولوا يخلوه يفهم الي بنقوله
الموضوع دا يتبع حاجة اسمها speech recognition او ال voice recognition
speech recognition دا الي هو التعرف علي الكلام . وابسط مثال ليه البحث الصوتي في جوجل .
وبرامج التحكم في الكمبيوتر عن طريق الصوت
اما ال voice recognition فدي كلمة اعم واشمل من ال speech لانها بتهتم بكل انواع الاصوات
وهنا مش معناه انك تخلي الكمبيوتر يتكلم . لاء انت تتكلم والكمبيوتر يكتب او يفهم كل الي بتقوله

حضرتك لو عاوز تتعلم اكتر عن الحاجات دي . مجرد انك تكتب الكلمة في جوجل هتظهرلك كل اللينكات .

لو عاوز تتعلم اكتر عن ال neural network وازي تعمل BOt ومحرك بحث
هتدور علي heatonresearch ودا شخص برنس بيشرح ال الشبكات العصبية بطريقة كويسه جدا
للجافا وال سي شارب عنده فيديوهات وعامل كتب

دي حاليا الحاجات الي فاكرها . لو افتكرت حاجة جديده هنزلها في بوست كمان
لو شايف ان فيه معلومة غلط . ياريت تكتب علشان اعدلها
لو عاوز تضيف اي معلومة ياريت تكتب وهزودها

#اعمل_الصح
#شير_في_الخير
#الطريق_الي_ايلات
#تشريح_محركات_البحث

الكاتب:

مبرمج ومطور ويب مصري الجنسية - من مواليد محافظة المنيا

One thought on “ازاي تعمل محرك بحث الجزء الثاني . استخدام انظمة الذكاء الصناعي

  1. الكلام جميل جدا بس فيه معلومة واحدة بس عاوز اصححها
    حتة ان الكمبيوتر بيطلع الكلام من الصورة و الحروف دى تابعة لعلم OCR (Optical CHaracter Recognition)
    و بنستخدم فيها بعض الجوريزمات من image Processing انما هى مش تابعة لل IP بشكل مباشر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s