Posted in عام

ايه هي افضل لغة برمجة


اول واكتر سؤال بيساله الانسان قبل ما بيفكر انه يشتغل في مجال #البرمجة

ايه افضل لغة برمجة ؟. وفي رواية اخري . ايه هي اقوي لغة برمجة ؟

والناس بتسال السؤال دا علشان مفكرين ان المشكلة في لغة البرمجة .
يعني لو اللغة قويه . هو هيطلع بيل جيتس . والمخترع الصغير . ورجل المستحيل
والحقيقة مفيش حاجة اسمها افضل لغة برمجة . كل لغة اتعملت لها نقاط قوة ونقاط ضعف . وانت بتختار اللغة علي حسب انت عاوز تعمل ايه

لو عاوز تعمل شغل للويندوز فعليك ب .Net مش هيفرق اذا كانت فيجوال بيزك او سي شارب . كلهم حاجة واحده . وممكن برده Java مش هتقولك لاء

لو عاوز تعمل موقع . عندك لغة php وعندك تكنولجي لميكروسفت اسمها asp وعندك حاجة في الجافا اسمها jsp – jsf اختار ما بينهم علي اساس معادلة هقولها في اخر البوست

ولو عاوز تعمل شغل موبايل شوف نوع الموبايل الي هتعمل عليه الابلكيشن . لو اندرويد عندك جافا . ولو عاوز حاجة تشتغل علي اغلب انظمة الموبايل عندك titanium framework وعندك phonegap

نجيي بقا لمشكلة السبوبة . حضرتك داخل مجال البرمجة علشان سمعت انه بيكسب وعندك معادلة اختار ما بينها الي يناسبك
1- اكتر وظائف موجوده في السوق php . ومعاك ناس كتير في السوق . (حيتان) . فالشركات بطلب ناس عاليه علشان المبرمجين عددهم كتير . والرواتب قليلة بالمقارنة بباقي اللغات
2- هتشتغل .net و asp شركات قليلة الي بتطلبه . وعدد المبرمجين اقل من php والرواتب الي حد ما متوسطه
3- هتشتغل jsp – jsf – adf و java شركات تتعد علي الصوابع الي شغاله بيها . مبرمجين قليلين . رواتب عاليه جدا

شوف انت واختار وحدد انت عاوز تعمل ايه . وبلاش الاسئلة الي بتضيع وقتك ومش بتوصل منها لاي حاجة

#السبوبة
#برمجة
#فلوس_يابا

الكاتب:

مبرمج ومطور ويب مصري الجنسية - من مواليد محافظة المنيا

One thought on “ايه هي افضل لغة برمجة

  1. انا كنت داخل البوست ده و انا متوقع انى هلاقي كلام يزعلنى😀
    و كنت مجهز الكومنت اللى هكتبه ردا على الكلام اللى كنت متوقع الاقيه
    بس لقيت الكلام اللى انت كاتبه هو نفس الكومنت اللى انا كنت مجهزه اكتبه😀
    بوست رائع كعادة بوستاتك

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s