Posted in عام

ازاي اكون مصمم مواقع


مجال تصميم المواقع ناس كتير عاوزه تدخله . بس حاسه بتشتيت مش عارف تبدأ منين

الموضوع دا للناس الي لسه بتدرس . والناس الي لسه هتدرس . والناس الي عاوزه تتعلم . والناس الي عاوزه تظبط مسارها صح

مبدئيا . الكلام دا مش هيخلص في يوم ولا اتنين ولا شهر ولا شهرين .
انك تكون مستعجل في حاجة زي كدا . دا في حد ذاته بداية ‫#‏الفشل‬ . فلازم تعمل لنفسك خطة تمشي عليها.

الموضوع ببساطه ممكن نقسمه لجزئين – المبادئ – الجزء المتقديم

1 – المبادئ

المجال دا اسمه ( تصميم ) فلازم تتعلم فوتشوب في البداية وتستزيد بشويه برنامج اخري

ويكون عندك دماغ حلوة في انك تكون مبدع ومتقلدش حد .

قبل كل دا لازم تكون بقالك فترة في المواقع . بتلف وتتمرمط . وتبص علي تصميمات المواقع .
مينفعش بعد ما تاخد ال ICDL الي ضاحكين بيه علينا . تدخل تبقي مصمم مواقع
لازم تتمرمط شويه علشان يبقي عندك رؤية واضحة .

وادخل كتير علي موقع behance اتفرج علي شغل الناس ما تقفلش علي نفسك فوتوشوبك وبابك وتفكر نفسك احسن مصمم في الدنيا لان الناس الي جنبك مقيمينك كدا .
بعد ما تبقي حليوة في الفوتوشوب والبرنامج الخاصة بالجرافيك
حضرتك هتتعلم التالي بالترتيب
1- HTML .
وبعدها
2- CSS .

3- تبدأ تستخدم HTML- CSS مع ال حاجات الي اتعلمتها في الجرافيك . وتعمل بروجكت صغنون . موقع او موقعين
تطلع فيه كل الي اتعلمته . وبلاش كسل وتقول لنفسك :
“ما انت عارف الحاجات دي مش لازم اعمل شغل ” . ( بلاش كسل )

وملحوظة كمان : انك تكون محترف دا مش بكتر المذاكرة .
انك تكون محترف دا بيحصل بسبب المشاكل الي بتقع فيها وبتتعب فيها وتتعلمها
ناس كتير بتذاكر . بس مش الناس كلها محترفة
بعد ما ربنا ما يكرمك وتخلص الجرافيك و html و css تكون خلصت المبادئ والمفاهيم

ندخل للشغل ال advanced

نبدأه ب ال javascript خلص الجافا سكربت وعشّقها في html – css
بعد ما تخلصها هتدخل علي jqeury خد فكرة عامة عنها
وبعد كدا تدخل علي
1- HTML5
2- CSS3
هتلاقيهم سهلين جدا بالنسبالك لانك بدأت فيهم من قبل كدا .
وبعدها
3- تشوفلك فريم محترم تشتغل عليه زي Foundation او bootstrap

كنت جهزت شوية لينكات فيهم شرح فيديوهات لكل الحاجات الي كتبتها فوق دي . وبعد كدا حذفتهم علشان المفروض الناس الي عاوزه تتعلم تدور . وتتعلم انها تدور . ونبطل كسل
دور في جوجل او في اليوتيوب عن الحاجات دي وهتلاقي كتير

‫#‏السبوبة‬
‫#‏ازاي_تكون‬
‫#‏الطريق_الي_ايلات‬

الكاتب:

مبرمج ومطور ويب مصري الجنسية - من مواليد محافظة المنيا

One thought on “ازاي اكون مصمم مواقع

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s